Author Archive

Mércores, Maio 04th, 2016 | Author:

P1150063Onte fomos con Saleta a bióloga, unha becaria experta en mamíferos, o especialista en bolboretas que fixo o estudo sobre as bolboretas no ENIL e María a do Concello a ver as Xunqueiras do Alba. Despois de dúbidas de encontro con Ponte Magueiro e Pontecabras comezamos e descubrimos moitas cousas: os fiúnchos con que se fan os maios, a  vexetación e o estreitamento das Xunqueiras, o cambio de salinidade e as adaptacións que teñen que facer os animais e as plantas, as cores brillantes de algunhas flores para chamar a atención dos insectos para ser polinizadas,  como pode ser enganada a enorme territorialidade  dos paporrubios cun móbil, a existenza de orquídeas no espazo protexido, o estudado que está o ENIL, e moitas máis cousas que aprendemos deste paraiso. Vimos tamén tres peregrinas de Noruega que ían de Porto a Compostela e varios militares medindo cun hodómetro… chegamos andando ao cole, algo cansos, pois o día saiu moi bo e ía moita calor.

Todas las fotos AQUÍ

Category: saídas  | 4 Comments
Martes, Maio 03rd, 2016 | Author:

P1140896Xa sei que diredes QUE SE NOS PERDEU EN XEVE? Pois fomos  en taxi a recibir o 1º obradoiro de Regueifas a cargo de Josinho e Quique . Eran unha marabilla rimando improvisadamente sobre a situación presente. Dixéronnos que a Regueifa é de procedencia árabe e consiste nun pan de voda. Tamén dixeron que non hai cultura humana que non improvise cantando coplas.  Desde Cuba a Andalucía ou Murcia ou os negros americanos co sue rap. Aquí os galegos, era cousa de homes, improvisaban sobre a situación e con certa retranca ( que é o que nos distingue). E gañaban a regueifa. Co tempo chamáronlles regueiferos aos que cantaban improvisadamente as coplas.  Dixéronnos  que improvisan é en copla popularde catro versos de oito sílabas ( octosílabos) deixando en branco o primeiro e o terceiro verso e rimando os pares en consonante ou en asonante, os nenos e nenas depois de explicalo de novo entendérono. Interesantísimo. Virán outro día ao noso cole.

Todas as fotos AQUÍ

Category: saídas  | One Comment
Luns, Maio 02nd, 2016 | Author:

P1140945Hoxe moi cedo fomos a Pontevedra en autobús . Fomos á Ferraría. a participar en Correlingua. Só tivemos que levar a autorización pois o autocar que nos levou e nos trouxo foi de balde (pagouno a organización). Alá levamos as nosas pancartiñas, cos nosas palabras en galego os de 1º,2º 4º e 6º de Primaria de Campañó. Na praza da Ferraría agardaba no palco os tres membros de Talía teatro que presentaron logo fomos facer o percorrido pola rúas de Pontevedra levando a nosa mensaxe de lingua. saímos da: Praza da Ferraría, e fomos por Rúa San Román, Padre Sarmiento, Gregorio Fernández, Praza da Pedreira, Rúa Serra, Rúa San Xulián, Praza Real, Rúa Ponte, Rúa de San Nicolás, Praza Cinco Rúas, Rúa Paio Gómez Chariño, Rúa Bastida, Rúa Michelena, Porta Trabancas, Praza da Ferraría. Nela un grupo de rock bravú moi movido que se chamaba Grupo Cantalingua: Livio de Marrao actuaron despois de seren presentados formalmente por Talia Teatro. Despois houbo os agasallos de libros das librarías para os colexios, o saúda do concelleiro e o organizador e a agardada solta de globos grandes que se perden no ceo como una esperanza de futuro e levan as intencións de pervivencia da nosa lingua onde queiran os ventos para que logo algún cantante diga que “a reposta está no vento”.

Todas as fotos AQUÍ

Category: saídas  | 2 Comments
Xoves, Abril 28th, 2016 | Author:

P1140831Os de Campañó tivemos dous días de convivencia cos de A Fonsagrada, e os de Pontevedra (Lérez e Xeve), dous diazos de temperatura e sen choiva. Onte día 27 rematou a visita dos de A Fonsagrada  a Pontevedra. Levámolos  a coñecer o do que carecen alí no interior:  mar e castelos. Co mar eliximos A Lanzada e a súa contorna. De castelos eliximos o de Soutomaior co seu incrible personaxe Pedro Madruga. Na Lanzada disfrutaron coa area e tanta auga do mar (“debaixo hai mais”). No Castelo de Soutomaior , coñeceron o xardín exterior e subiron polo paseo da garda. Si, onde están as almeas defensivas e subían coa aquela pesada malla, o casco e a bésta, defendendo o castelo dos atacantes. Tamén o viron por dentro.

No ano 2009 xa tiveramos unha convivencia cos de A Fonsagrada, e dicir, non é a primeira vez que imos alá e nos trataronnos ben, tan ben que os días 9 e 10 de maio, recuncaremos.

Todas as fotos do 1º día AQUÍ

Todas as fotos do 2º día AQUÍ

Category: Sen categorizar  | One Comment
Luns, Abril 04th, 2016 | Author:

salon do libroOs de 6º fomos ao XVII  Salón do Libro Infantil e Xuvenil en dous taxis. Non era para menos con ese cartelazo de María Álvarez “Yupiyeyo”.  Catro co profe nun e tres noutro taxi. Chegamos ben de tempo. E tíñanos preparado un obradoiro de Ciencia adicada aos bichos máis comúns que atacaron de sempre os nosos alimentos máis coñecidos, como o millo as fabas, os piñeiros ou os repolos. As dúas rapazas da Misión Biolóxica, Pilar e Ana, e por tanto pertencentes ao CSIC (Consello Superior de Investigacións Científicas), foron moi competentes en coñecementos e uso de instrumentos, explicaronnos que as plantas que nós comemos tamén son desexadas por outros “bichos” e como este ano o Salón vai de bichos ven a conto investigalos cientificamente. Estaban armadas  de lupas binoculares, lupas normais e mostras resgardadas de toda canta bichería iamos investigar en placas de Petri. Vimos pola lupa vermes que se convertirían en volvoretas ou abelaíñas e gurgullos coa súa portentosa boca.A radio Galega fíxolle unha entrevista a tres rapaces e escoitouiso no Diario Cultutal ás 15: 15. Explicáronnos a metamorfose dos insectos e invitáronnos a investigar algunha larva dentro dun bote. Concluímos que todos os alimentos en forma de planta son desexados por moitos animais.
Logo o monitor Poldo nos levou a ver a exposición de traballos do Salón.”Flipamos”. Estaba todo decorado con motivos das ilustracións do libro de Ledicia Costas  “As peripecias de Extravaganzza Pérez”que nos invitou a ler. Tamén nos convidou  e a vir pola tarde ao Salón que segue habendo moitas actividades. Viñemos, de novo nos taxis, para o Colexio e aínda  fomos á clase de plástica.

TODAS AS FOTOS AQUÍ

Category: saídas  | 6 Comments
Luns, Abril 04th, 2016 | Author:

la vida es bellaOnte rematamos de ver a película “Bailando con lobos”. Moi emotiva, sobre todo ese gran final.  Comezamos outra que creo que é tan fermosa como a anterior e é ben coñecida. Trátase de:  “La vida es bella” o conto  antinazi de Roberto Benigni. Si amiguiños/as a pesar dos pesares a vida é bela. Escoitase “princesa” por todas partes. Non se ve unha pinga de sangue nin está presente a morte como na realidade real en toda a película que ademais ocorre no lugar máis terrible que se coñece dos nazis: un campo de internamento de xudeos onde morrían todos os días decenas de homes e mulleres. Ten dúas partes ben diferenciadas: a cómica e a tráxica. Pero mesmo a parte tráxica é moi levadeira porque Güido (Benigni) faina cómica coa complicidade dos presos do campo. A película é marabillosa. Ten moito tipo de planos e recursos narrativos preciosos. Ten dúas elipses impresionantes. E un final, non por  moi agardado, nada feo e ben filmado. Faremos unha ficha de observacións da película. Medio mundo quedou prendado desta película.
A seguinte película que veremos será de debuxos animados e xaponesa dos sonados estudos “Ghibli”. Demostraremos que os debuxos animados non son só para nenos pequenos. Poden tratar calquera tema.

.”

Category: Película  | 4 Comments
Venres, Abril 01st, 2016 | Author:

P1140596Onte Alberto emocionounos, tamén ao profe. Onte estivo Alberto cos de 6º. Desta vez estabamos todos, pois xa viñera antes das vacacións e faltaban dous rapaces. Quen é Alberto? É unha especie de monitor que fai que os nenos se expresen por escrito e logo publica a súa produción no xornal en papel “O cartafol do Lérez” ou na páxina web do “Cartafol do Lérez”. Xa o ano pasado viñera polo centro (ver neste blog a entrada: “O paraugas amarelo”). Hai algo publicado no nº 7 do “Cartafol”, pero este ano superouse. Na primeira vez que veu ao cole neste curso dixo que estaba moi contento da participación do ano pasado. sonuncabaloVamos que construían uns textos de bo nivel. Por iso este ano ía ser moi dificil. Nada mais e nada menos que mirar a realidade a través dos sentidos dun animal coma no conto “Son un cabalo” de Gonzalo Moure. Fíxolles elixir un animal a cada rapaz, e desde as 12:30 ás 14 h de onte xoves 31 de marzo, axudoulles a compoñer un texto moi difícil para a súa idade. Regalounos uns 14 libros de Kalandaka para a nosa biblioteca e traerá un xornal para cada neno. Si este ano tamén deixou un lote de libros da editorial Kalandraka para a nosa Rufiteca.  En vista da calidade de algúns dos traballos co animal, Alberto, mandoulles facer un novo exercicio:  que vían mal e ben na súa parroquia Campañó. Os rapaces quedaron encantados e divertíronse moito coa visita de Alberto é así llo que manifestaron. Prometeu vir de novo ao cole para recoller os traballos sobre a parroquia.

todas as fotos AQUÍ

Category: aula  | 4 Comments
Xoves, Marzo 03rd, 2016 | Author:

P1140395Hoxe fomos á ópera. Grazas ao labor da profe de música deste guillermo tellano, Andrea.  Fomos a unha ópera importante, pero de balde. A ópera era Guillermo Tell. A música tocada e cantada, en directo, polo grupo catalán “La Baldufa” que fixo unha adaptación da histórica ópera de Rossini e convertiu as 4 horas de fantástica música en 65 minutos, nun gran alarde de imaxinación musical.

A ningún rapaz ou rapaza da nosa aula de 6º lles gustou.  Dixeron na aula as súas razóns.

Aburrida e para nenos pequenos, foron os seus principais  argumentos.

Todas as fotos aquí

Category: saídas  | 2 Comments
Venres, Febreiro 26th, 2016 | Author:

Últimamente estamos liados con moitas cousas a vez, pero no curso  hai capacidade para iso e moito mais.

  • Dúas investigacións de Pontenciencia: “Que lles pasa as mazás co tempo” e os “paneis solares das plantas”.
  • Presentación do traballo para o Salón do Libro.
  • Visionado dos filmes do proxecto “Cámara Acción”.
  • Elaboración e cumplimento de fichas para observar as películas.
  • Ponteaeuropa.
  • Preparación  da convivencia con Fonsagrada.
  • Preparación da despedida definitiva do colexio.
  • etc
  • Tamén dámos clase.
Category: Sen categorizar  | Comments off
Venres, Febreiro 12th, 2016 | Author:

P1130941O XVII Salón do Libro é a primeira actividade onde imos participar fóra do cole neste curso 2015-2016. Xa están en marcha outras. Iremos en Abril ao pazo da Cultura, pero primeiro hai que levarlle, coma todos os anos, a nosa instalación e o libro.  Esto último  fíxoo onte  Fátima a presidenta da ANPA. Levar a nosa instalación ao Pazo da Cultura. Este ano o Salón  ten como título “Canta bichería”. Pedímoslle a 4º o “Kraken” da súa porta que é un “bicho” para facer a nosa instalación. Moi amablemente a súa titora, Mª Carmen, deixounos o “Kraken” que tiña na porta para ilustrar o proxecto anual de “Cámara Acción”. Nós convertémolo nun polvo, un  “bicho” e unímolo a os oito libros da instalación .

Todas as fotos AQUÍ

Category: aula  | Comments off