Archive for the Category » aula «

Mércores, Xuño 22nd, 2016 | Author:

P1150565Estivo cheo de cousas noticiables. En primeiro lugar o compromiso: o bar Corredoira que a partir do 1 de xullo vai dar os DVDs a todos os nenos/as de 6º que llos pidan. En segundo lugar os xogos preparados polo noso profe de Educación Física, Rafa. (foron todo un éxito) e en terceiro lugar as fiestukis que se celebraron en cada clase ou corredor do colexio. E así foi o derradeiro día dos de 6º no colexio. Para facer tempo e como non tiñamos mochila, estivemos no recreo dúas sesións xogando ao que nos petou. Logo ao autobús e para casa con vacacións que en setembro “péchase esta porta e ábrese outra”.

Aquí todas as fotos.

Category: aula  | One Comment
Martes, Xuño 21st, 2016 | Author:

P1150439Hoxe foi o derradeiro día de clase oficial e polo tanto de DESPEDIDA dos alumnos/as de 6º. Todos/as estaban moi elegantes. Houbo bicos de despedida  Houbo agasallos dos profes ao profe e houbo baile noso ben lucido. Tamén houbo alfombra rosa con música e baile dos de 4ª que nos acompañaron.  Foi unha boa despedida. Veu a filla do profe a tirar as fotos  que están abaixo no enlace. Tamén houbo algunha que outra bágoa. Presentou todo o acto Uxía.

AQUÍ todas as fotos dunha das cámaras que gravaron o acto..

AQUÍ todas as fotos da  outra cámara.

Category: aula  | One Comment
Mércores, Xuño 15th, 2016 | Author:

DSC00472É un operador de cámara, o encargado nunha película de que a cámara filme o que quere o director. Seu nome aparecerá nos créditos do final do audiovisual e pode ser un oficio bo para moitos nenos e moitas nenas de Campañó. Por suposto que ten que ter unha boa preparación e coñecer ben a linguaxe audiovisual.

Juan Carlos estivo hoxe no noso cole e falounos da cantidade de persoas que ten que contratar una película. Trouxo todos os elementos técnicos para filmar e fixo unha filmación iante de nós con artistas principais, iluminador, operadores de cámaras, claquetista e técnico de son. Filmaron unha escena dunha peli de zombis.  A escena daránola no cole.despois de un pouco de posprodución (vai facer un pequeno efecto especial vai suplantar a cara dun actor por outra distinta)

Todas as fotos AQUÍ

Category: aula  | Comments off
Mércores, Xuño 01st, 2016 | Author:

DSC00278Hoxe ás 10, con algo de retraso por culpa de Lérez,  fomos facer á visita anual do Instituto da Xunqueira I. Cando chegamos os de Pontevedra xa levavan un bo anaco os de Campolameiro visitando o Instituto. Recibiunos moi amablemente a Orientadora e explicounos como se vai desenvolvera a vida de calquera alumno/a de 1º do vindeiro curso e as actividades ás que se podía anotar. Tamén fixemos un exercicio co gallo do club de lectura “A Esmorga” consistente nun test con diferentes apartados que tiñan que cubrir oa alumnos/as que leran o libro proposto que non era outro que “Mil cousas poden pasar”  de Jacobo Fernández. Houbo premios e agasallo dun diploma.  Logo viñemos por Lérez e logo a Campañó.

Todas as fotos AQUÍ

Category: aula, Sen categorizar  | One Comment
Xoves, Maio 05th, 2016 | Author:

P1150105Se puxestes xestas no garaxe ou no coche saberedes que pasaredes un maio sen amaiar. Fomos ata Berlín ou non? falamos con xente que vive e estuda alá? Tamén tiñamos á nosa Cristina en Londres coa súa familia e o Támesis. A primeira nova deste maio de 2016 é que Campañó gañou no Concurso de Maios de Pontevedra o 1º premio ao mellor maio. A segunda nova é que onte viñeron Josinho  e  Quique e ensináronnos,  na 2ª sesión de regueifas, as rimas en asonante e consonante das coplas populares de 8 sílabas e a súa confección. Tamén falamos por videoconferencia con Sol Mcuman en Berlín.  Houbo una sorpresa moi grande, Palmira, que non podía faltar, fíxonos pan artesán, como se facía antes. Coceu e amasou  cadanseu bolo, para 45 que eramos na videoconferencia, (Cos de Lérez e Xeve) veu a Campañó sen durmir. Pasou a noite en branco para nos facer pan e dárnoslo.

Todas as fotos AQUÍ

Category: aula  | 6 Comments
Venres, Abril 01st, 2016 | Author:

P1140596Onte Alberto emocionounos, tamén ao profe. Onte estivo Alberto cos de 6º. Desta vez estabamos todos, pois xa viñera antes das vacacións e faltaban dous rapaces. Quen é Alberto? É unha especie de monitor que fai que os nenos se expresen por escrito e logo publica a súa produción no xornal en papel “O cartafol do Lérez” ou na páxina web do “Cartafol do Lérez”. Xa o ano pasado viñera polo centro (ver neste blog a entrada: “O paraugas amarelo”). Hai algo publicado no nº 7 do “Cartafol”, pero este ano superouse. Na primeira vez que veu ao cole neste curso dixo que estaba moi contento da participación do ano pasado. sonuncabaloVamos que construían uns textos de bo nivel. Por iso este ano ía ser moi dificil. Nada mais e nada menos que mirar a realidade a través dos sentidos dun animal coma no conto “Son un cabalo” de Gonzalo Moure. Fíxolles elixir un animal a cada rapaz, e desde as 12:30 ás 14 h de onte xoves 31 de marzo, axudoulles a compoñer un texto moi difícil para a súa idade. Regalounos uns 14 libros de Kalandaka para a nosa biblioteca e traerá un xornal para cada neno. Si este ano tamén deixou un lote de libros da editorial Kalandraka para a nosa Rufiteca.  En vista da calidade de algúns dos traballos co animal, Alberto, mandoulles facer un novo exercicio:  que vían mal e ben na súa parroquia Campañó. Os rapaces quedaron encantados e divertíronse moito coa visita de Alberto é así llo que manifestaron. Prometeu vir de novo ao cole para recoller os traballos sobre a parroquia.

todas as fotos AQUÍ

Category: aula  | 4 Comments
Venres, Febreiro 12th, 2016 | Author:

P1130941O XVII Salón do Libro é a primeira actividade onde imos participar fóra do cole neste curso 2015-2016. Xa están en marcha outras. Iremos en Abril ao pazo da Cultura, pero primeiro hai que levarlle, coma todos os anos, a nosa instalación e o libro.  Esto último  fíxoo onte  Fátima a presidenta da ANPA. Levar a nosa instalación ao Pazo da Cultura. Este ano o Salón  ten como título “Canta bichería”. Pedímoslle a 4º o “Kraken” da súa porta que é un “bicho” para facer a nosa instalación. Moi amablemente a súa titora, Mª Carmen, deixounos o “Kraken” que tiña na porta para ilustrar o proxecto anual de “Cámara Acción”. Nós convertémolo nun polvo, un  “bicho” e unímolo a os oito libros da instalación .

Todas as fotos AQUÍ

Category: aula  | Comments off
Mércores, Xaneiro 27th, 2016 | Author:

XadrezÉche unha actividade que  oferta a Rufiteca (Biblioteca) no recreo para todos os nenos e nenas de primaria deste colexio. Estes días as mesas están que arden de tanto uso. Tivemos que usar mesas da propia biblioteca para atender á enorme demanda de xadrecistas no recreo. O máis importante, por agora, é que todos saiban colocar o taboleiro co cadro branco cara a dereita e mover todas as pezas. Xa chegará a hora das endiañadas estratexias de xogo. Os maiores xa saben algo do plantexamento das saídas. Tamén saben que as brancas sempre saen primeiro e se sortea ao principio de todo, quen ten as brancas. Este antigo xogo, o xadrez, é todo un éxito actual no colexio. Os profes e as profas xa sabemos que o xadrez ten a propiedade  de sublimar toda a enerxía bélica dos nenos nun deporte que estimula nada menos que a intelixencia.

Category: aula  | 2 Comments
Martes, Xaneiro 19th, 2016 | Author:

velocimetroTemos que cualificar este día de histórico pois está aí o futuro en forma de ancho de banda. Despois de tantos esforzos de pais/nais e institucións de Campañó. Quedamos alucinados os que estabamos na sala de profes, hoxe pola tarde, ao ver isto que sae na foto. Usando dous velocímetros distintos, o de (R) e o da Xunta, daba unha velocidade de subida superior á de baixada. Nin tan sequera é unha conexión simétrica, cuxa velocidade de baixada é de subida son iguais. A de subida é superior á de baixada e iso que esa é incrible para o que estabamos acostumados: 13 Mb de baixada. Incrible e dentro de pouco segundo prometeron haberá unha conexión de 100 Mb. Xa podemos solicitar o proxecto Abalar .

Category: aula  | Comments off
Venres, Xaneiro 15th, 2016 | Author:

IMG_0418Podería ser coma outro día calquera, sen acontecementos importantes, sen brillo. Pero non foi así. Hoxe pasaron dúas cousas importantes na clase. Jabier  instalounos un portátil onde poderemos ver películas e internet en pantalla grande e comezamos o experimento das mazas. Onte veu Saleta, a bióloga de Pontenciencia,  para dicirnos que pederiamos facer unha investigación sobre alimentos por fóra e n paralelo ao premio de Pontenciencia, como moitos coles. Aceptamos como non! Imos presentar os datos e as conclusións  do noso estudio con gráficas que teremos que estudar na clase de matemáticas e na aula de informática durante o tempo que queda ata  a exposición de Ponteciencia. O luns comezamos cunha balanza para medir a perda de peso das mazás e tirar conclusións. Imos participar todos nos apuntamentos das observacións.

Todas as imaxes AQUÍ

Como se observa nas fotos imos realizar a investigación con tres mazas dunha froitaría normal (chamarémoslles mazás industriais, supoñemos tratadas con produtos químicos) e tres mazás coa etiqueta de ecolóxicas (chamarémoslles mazás ecolóxicas). a hipótese de partida é: que as mazas industriais durarán moito mais e terán os fungos( balor)   máis tarde. as ecoloxicas ou naturais, sen ser tratadas con produtos químicos, terán antes o balor.

Imos tomar todas as precaucións incluso poñer luvas de cirurxán para non contaminar as mostras cos residuos das mans e alterar os resultados.

Category: aula  | One Comment