Archive for the Category » aula «

Xoves, Xaneiro 07th, 2016 | Author:

Despois deste breve tempo vacacional comezamos de novo o curso 2015-2016 con novo ano 2016..

 

Benvidos/as de novo ao ano 2016

Category: aula  | 2 Comments
Luns, Decembro 14th, 2015 | Author:

P1130736No cole tamén temos no Nadal ao Apalpador que como todos sabedes é a figura galega que trae agasallos aos nenos. Temos outras figuras en España: o Olenchero en Cantabria, Euskadi e Navarra o tronco Caga Tio en Cataluña, etc. Nós este ano escribimos unha carta ao Apalpador pedíndolle cousas non consumistas, que non se poidan mercar, e metemos despois as cartas nunha caixa de correo. Momento en que o fotógrafo aproveitou e tirou as fotos.

TODAS AS FOTOS AQUÍ.

Category: aula  | One Comment
Luns, Novembro 02nd, 2015 | Author:

P1130401Xa comezamos adornando os corredores con imaxes alusivas ao proxecto deste ano: o cine ( a sétima arte). Tamén celebramos unha festa tradicional que aínda ten moita forza.:O magosto. A parte de comer as castañas asadas de novo polo anterior conserxe, Eduardo, fixemos xogos dirixidos e monitorizados polos alumnos/as de 5º e 6º.

Tamén os nenos e nenas do cole coa axuda dos seus pais e nais trouxeron cabazas adornadas que espuxemos na entrada, coma todos os anos.

TODAS AS FOTOS AQUÍ

Category: aula, proxectos  | 4 Comments
Venres, Outubro 23rd, 2015 | Author:

P1130357Como di o vello refrán “polo San Martiño trompos ao camiño”. Esto quere dicir que alá polo día 11 de novembro, de todos os anos, que é o San Martiño os rapaces e rapazas de Campañó deberían saber tirar o trompo de madeira. Pois eso é o que estamos a practicar no recreo. Aprender a tirar o trompo. Como o Colexio é o gran centro de aprendizaxe tamén aprendemos a tirar o trompo nestes días previos á grande época do ano (magosto, trompos. porquiño, abillar o viño, etc)

TODAS AS FOTOS AQUÍ

Category: aula  | 2 Comments
Xoves, Outubro 08th, 2015 | Author:

Como todos os cursos, este primeiro trimestre imos adicarlle tempo a 10 poemas, 5 en castelán e 5 en galego. Témolos que aprender de memoria. O primeiro foi de o de Jorge Manrique en castelán logo veu o de Yolanda Castaño en galego. Logo virán o resto que xa iremos coñecendo pouco a pouco para ao final facer cadan seu  caderniño e conservalos na casa como boa escolma de poemas. Xa sucedeu así o pasado curso. Tamén se comentan en clase.

Category: aula  | Comments off
Luns, Setembro 28th, 2015 | Author:

Chámase así porque o noso colexio está a dous quilómetros da antiga calzada romana nº XIX que logo se converteu no camiño de Santiago Portugués. Xa sabemos por que se titula o noso blog así. Porque estamos moi cerca da antiga e pouco coñecida calzada romana nº XIX do catálogo de Antonino. Hai estudos de expertos historiadores que din que pasaba por Pontevedra procedente da actual Braga e dirixíase por Lugo a Astorga, e así está sinalada en cinco medallóns de bronce no chan en toda a cidade de Pontevedra: cerca da estación de autobuses, na rotonda da Virxe do Camiño, no antigo cine Gonviz, na entrada da praza da Ferraría e na ponte do Burgo. É un bo roteiro para andar por enriba da calzada (cando pasa pola rúa dos Soportais vense unhas luceciñas lilas no chan)  que coincide co camiño portugués á cidade de Compostela. Esta cidade non existía aínda daquela cando a calzada xa pasaba por aquí.

Category: aula  | Comments off
Luns, Setembro 28th, 2015 | Author:
DSC00630

Foto de Soraya

Comezamos este curso coa nova repetida doutros anos da vendima. Sempre que chega setembro o cambio de estación de verán a outono, realizamos esta actividade: a vendima. É unha actividade moi antiga que non hai maneira de mecanizala. Hai que cortar os acios das vides de xeito manual e logo facer fermentar o mosto que hai nas uvas e trasportado as adegas, onde agarda pola fermentación.  O viño pode ser dunha clase de uva ou de varias. Campañó ten fama de que nas súas fincas non hai só unha caste de uvas. A vendima é ao viño o que o muíño ao millo,  o resumo de todas as actividades e acontecementos do ano nesa finca: sachar, abonar, podar, sulfatar, o tempo atmosférico, e por fin a vendima e a fermentación do mosto.

 

 

Category: aula  | Comments off
Xoves, Setembro 24th, 2015 | Author:

Por fin principiamos o curso. Xa remataron as vacacións. Xa fomos debuxar o Castrove en outono. Comeza o derradeiro curso no colexio destes nenos e nenas que marchan para o Instituto da Xunqueira para facer a ESO. Aínda que é moi cedo para pensar na despedida do colexio, será coma sempre o derradeiro acto académico de curso, xa hai ideas sobre ela. Pero quedan moitas cousas polo medio. Aprender, actividades, sin sabores, enfados, saídas, en fin o curso, a vida… Todo un curso enteiro de convivencia.

Category: aula  | Comments off
Venres, Maio 15th, 2015 | Author:

P1090525O Correliingua e unha actividade que fan os nenos  e nenas para reivindicar o uso da nosa lingua mediante unha andaina por Pontevedra. Este ano como nos anteriores, o noso colexio no Correlingua  participou con toda primaria.

Aquí todas as fotos que aínda son bastantes

Category: aula  | 3 Comments
Domingo, Maio 10th, 2015 | Author:

P1040770 (copia)O día 7 de maio fixo un ano  que os nenos e nenas de Campañó disfrutan dunha boa biblioteca. Chamámoslle Rufiteca porque nela vive Rufiño. Todos participaron na construción de tan fermoso espazo: alumnos/as, profes, nais e pai… A Rufiteca, tal e como está agora, ven sendo un espazo de construción colectiva.  Rufiño que está moi calado ultimamente e xa non escribe cartas, debe estar lendo coma un tolo, escribiu unha para ese día. De aquel día do ano pasado  hai gravacións en vídeo que imos ver no Plan Lector.

Nas últimas tranformacións  na decoración que se fixeron colaboraron os pais e nais e a profesora Graciela.

Foto da biblioteca do 7 de maio de 2014

Category: aula  | Comments off